Asmekthi. Mhenni akked tefsut n yimaziγen - Site perso de Mohamed ZIANE-KHODJA

Rechercher
Aller au contenu

Menu principal :

Asmekthi. Mhenni akked tefsut n yimaziγen


       


Asmekthi

MHENNI AKKED TEFSUT N YIMAZIΓEN



© La Dépêche de Kabylie | Lundi 21 avril 2014
Islam BESSACI


Tiddukla tadelsant Tiεwinin n wizgan, s lemεawna n tesqamut n taddert n Wizgan akked imezdaγ-is, rran ad-rren tajmilt meqren i  yiwen n unaẓur id-yefkan deqs i tẓuri tazzayrit d  yedles amaziγ s umata, wagi d Mhenni AMROUN, i yetwasnen s yisem n tẓuri Mhenni i tewwi tmettant ass n 19 yebrir 2012 di laεmer-is 74 n yiseggasen. Tajmilt i yebdan ass n 19 almi d 20 yebrir γef teγzi n 02 wussan s yiwen n wahil γezzifen u d amesbaγur.Anda i sarssen tameqqint n yijeğğigen γef uẓekka unaẓur Dda Mhenni, d ibeddi n dqiqa n tsusmi d astarḥem γef tarwit-is, syen  llant-d temzikniyin yemgaraden n ttsawar, taklut d ydlisen, isaragen d timliliyin tinigiyin γef tudert n Dda Mhenni d umecwar n ttẓuri-s id-xedmen yemdukkal-is, ger-asen Areẓqi Abbout.

Akken id-yella usenεet n tecqufin n umezgun, ger-asen "Abandu" n tarbeεt n umezgun n taddert n Saḥel, "A war d-tawḍeḍ" n tarbeεt umezgun n wedrar at-qiεa, "Ulac zzhu di laxart akked ilaq-d zzhir" n tarbeεt n umezgun aserhu n taddert n Maga taγiwant n at-yeğğar. Syen d tirza γer usalay s wallalen iqburen n yiwen n umezdaγ u d amaẓir n taddert-agi n Wizgan wagi d Aḥmed CHALLAL. Maca ayen id-yernan cbaḥa i tejmilt-agi, d timzizelt n tzabut s tutlayt n tmaziγt ilfayda n yinelmaden n 03 yeswiren yemgaraden, i usebγes n tmaziγt imi d tagnit yelhan ideg id-smektan tafsut n yimaziγen, imi Dda Mhenni d yiwen unaur  u d amaγnas n tmaziγt d tugdut, iwmi yura akken ad-yetwamel ass n 20 yebrir 2012, di tefsut n yimaziγen. Leqdic-agi mera yesdurit-id wexxam n yedles  Kulunel Muḥend Welḥağ n taddert n wizgan, anda leqdic iεda di tegnatin yelhan nezzah.

 
Retourner au contenu | Retourner au menu